LinkedIn

FY NGHEFNDIR

Sylfaenydd Lloyd~Williams & Associates ydw i, busnes a sefydlais gyda'r nod clir o wneud busnesau yn fwy llwyddiannus drwy ddatblygu pobl. Er fy mod yn ymwneud yn bersonol â phob cleient, mae gennyf hefyd rwydwaith o weithwyr proffesiynol profiadol a dibynadwy y gallaf alw arnynt yn ôl yr angen.

Yr hyn sy'n gwneud fy null yn wahanol yw fy arddull dymunol a'r gallu i wneud i eraill feddwl yn wahanol. Rwy'n fodlon mynd i'r afael â materion anodd ac i ymdrin â meysydd y mae eraill yn eu hofni, ond byddaf wastad yn sicrhau bod fy nghefnogaeth yn gyfartal â'r her rwy'n ei chyflwyno. Rwy'n cymryd rhan weithredol ym mhopeth a wnaf, gan ddod ag egni, difyrrwch, gwreiddioldeb a hyd yn oed adegau o ysbrydoliaeth. Gyda ffocws ar feithrin gwir newid, rwy'n sicrhau bod pobl yn gadael fy sgyrsiau/sesiynau gydag offer a thechnegau ymarferol i'w cymhwyso. Fel Cymro Cymraeg, gallaf ddarparu hyn i gyd yn Gymraeg neu Saesneg.

Ar ôl bod yn gweithio fel cyfreithiwr a chyfarwyddwr strategol mewn nifer o sefydliadau mawr, rwy'n deall cymhlethdodau a heriau arweinyddiaeth effeithiol. Mae'r gwaith o reoli'r ddarpariaeth o sawl gwasanaeth cyhoeddus proffil uchel wedi rhoi gwybodaeth draws-sector, ymarferol o arfer da cyfredol i mi. Mae'r profiad a'r ddealltwriaeth hon yn fy nghaniatáu i ddarparu datrysiadau pragmatig ar gyfer sefydliadau, timau ac unigolion.

Mae gennyf achrediad ILM Lefel 7 mewn Mentora a Hyfforddi Gweithredol a Thystysgrif Ôl-radd mewn Addysg Uwch gan fy mod yn gweithio gyda sawl prifysgol fel Darlithydd/Tiwtor Gwadd ar gyrsiau datblygu arweinyddiaeth. Mae gennyf MBA a Doethuriaeth mewn gwleidyddiaeth. Yn ogystal, mae gennyf radd yn y gyfraith a bûm yn gyfreithiwr am dros 20 mlynedd. Nid wyf yn trin y gyfraith bellach ond rwy'n parhau i fod yn aelod o Gymdeithas y Cyfreithwyr.

Lawrlwythwch PDF Proffil Llawn